მარცხენაფილტვის ზედა  წილის რეზექცია. კეთდება მარცხენა მხრივი თორაკოტომია, განაკვეთი ტარდება მეხუთე ნეკნთა შუა სივრცეში   მეხუთე ნეკნი გადაიჭიმება და ჭრილობაში თავსდება გულ-მკერდის რეტაკტორი. ფილტვის კარის მიდამოში ითიშება იოგოვანი აპარატი, დასაწყისში წვრილი სისხლ ძარღვები გამოიყოფა და გადაიჭრება ორ ლიგატურას შორის. ზოგიერთი მსხვილი სისხლძარღვი გადაიჭრება სტეპლერის საშვუალებით. ზემო წილის ბრონქები გადაიკვეთება TI სტეპლერით. ამის შემდეგ ხდება ფილტვის ზედა წილის გამოცალკევება ქვედა წილისაგან.დარჩენილი ქვედა წილის ქსოვილი მიკერდება ერთმანეთზე რათა დაიხშოს წვრილი აიროვანი ნაჟღენთები, რომელიც გამოწვეულია ფილტვის ქსოვილის დაზიანებით.

    თორაკოაბდომინური ესფაგოგასტრექტომია ივერ ლეგის მეთოდით. იჭრება საყლაპავის დისტალური და კუჭის პროქსიმალური ნაწილი, ამ მიდამოში არსებული სიმსივნის გამო. თავდაპირველად კეთდება ზედა შუა ლაპარატომია, კუჭის დიდი სიმრუდე გამოცალკევდება დიდი ბადექონისგან ქვემოდან ზემო მიმართულებით (პანკრეასსაც დავინახავთ) განაკვეთი გრძელდება საყლაპავის ხვრელამდე, ამ პროცესში გადაიკვეთება კუჭის მარცხენა არტერია.  პარალელურად გამოიყოფა კუჭის მცირე სიმრუდე ზედა ნაწილში რათა მოხდეს კუჭის პროქსიმალური ნაწილის მობილიზაცია. ამით მთავრდება ოპერაციის აბდომინური ნაწილი.  შემდეგ ავადმყოფს აწვენენ მარცხენა გვერდზე და აკეთებენ თორაკოტომიას მეშვიდე ნეკნთაშუა სივრცეზე. გადაიჭრება კენტი ვენა რომელიც მჭიდროდ ეკვრის საყლაპავის უკანა კედელს. GIA  სტეპლერის საშუალებით მოიკვეთება საყლაპავის დისტალური და კუჭის პროქსიმალური ნაწილი. ამის შემდეგ კეთდება  ეზოფაგოგასტროანასტომოზი სპეციალური მოწყობილობით, რომლის შესაყვანადაც კეთდება წინაგასტროტომია. ანასტომოზის დადების შემდეგიხურება კუჭის წინა კედელი.